Poslovne vijesti - Makedonija

Горивата поевтинуваат за еден денар

Малопродажните цени на нафтените деривати ноќеска на полноќ поевтинуваат за еден денар, одлучи денеска Регулаторната комисија за енергетика на редовната седница.

Согласно одлуката, новата цена на Еуросупер БС-95 изнесува 82,50 ден/лит, а на Еуросупер БС-98 изнесува 84,00 ден/лит.

Литар Еуродизел (Д-Е V) ќе се продава по цена од 70 денари, а малопродажната цена на Екстра лесното масло за домаќинство (ЕЛ-1) ќе изнесува 58,5 денари за литар.

Малопродажната цена на мазутот М-1 НС се намалува за 0,541 денари, со што овој вид на дериват ќе се продава по цена од 42,464 денари за килограм.